Sunday Meditation· Open to Everyone

अध्याय १, ब्राह्मण ६

संस्कृत

Passage 6.1

त्रयं वा इदं नाम रूपं कर्म । तेषां नाम्नां वागित्येतदेषामुक्थम् । अतो हि सर्वाणि नामान्युत्तिष्ठन्ति । एतदेषां साम । एतद्धि सर्वैर्नामभिः समम् । एतदेषां ब्रह्म । एतद्धि सर्वाणि नामानि बिभर्ति ॥ १ ॥

पदच्छेद

त्रयम्trayamवैvaiइदम्idamनामnāmaरूपम्rūpamकर्मkarmaतेषाम्teṣāmनाम्नाम्nāmnāmवाक्vākइतिitiएतत्etatएषाम्eṣāmउक्थम्ukthamअतःataḥहिhiसर्वाणिsarvāṇiनामानिnāmāniउत्तिष्ठन्तिuttiṣṭhantiएतत्etatएषाम्eṣāmसामsāmaएतत्etatहिhiसर्वैःsarvaiḥनामभिःnāmabhiḥसमम्samamएतत्etatएषाम्eṣāmब्रह्मbrahmaएतत्etatहिhiसर्वाणिsarvāṇiनामानिnāmāniबिभर्तिbibharti

अन्वय

इदम् वा त्रयम् [अस्ति]-नाम रूपम् कर्म [च] । तेषाम् नाम्नाम् वाक् इति एतत् एषाम् उक्थम् [अस्ति]; हि अतः सर्वाणि नामानि उत्तिष्ठन्ति । एतत् एषाम् साम [अस्ति]; हि एतत् सर्वैः नामभिः समम् [अस्ति] । एतत् एषाम् ब्रह्म [अस्ति]; हि एतत् सर्वाणि नामानि बिभर्ति ।

Passage 6.2

अथ रूपाणां चक्षुरित्येतदेषामुक्थम् । अतो हि सर्वाणि रूपाण्युत्तिष्ठन्ति । एतदेषां साम । एतद्धि सर्वै रूपैः समम् । एतदेषां ब्रह्म । एतद्धि सर्वाणि रूपाणि बिभर्ति ॥ २ ॥

पदच्छेद

अथathaरूपाणाम्rūpāṇāmचक्षुःcakṣuḥइतिitiएतत्etatएषाम्eṣāmउक्थम्ukthamअतःataḥहिhiसर्वाणिsarvāṇiरूपाणिrūpāṇiउत्तिष्ठन्तिuttiṣṭhantiएतत्etatएषाम्eṣāmसामsāmaएतत्etatहिhiसर्वैःsarvaiḥरूपैःrūpaiḥसमम्samamएतत्etatएषाम्eṣāmब्रह्मbrahmaएतत्etatहिhiसर्वाणिsarvāṇiरूपाणिrūpāṇiबिभर्तिbibharti

अन्वय

अथ रूपाणाम् चक्षुः इति एतत् एषाम् उक्थम् [अस्ति]; हि अतः सर्वाणि रूपाणि उत्तिष्ठन्ति । एतत् एषाम् साम [अस्ति]; हि एतत् सर्वैः रूपैः समम् [अस्ति] । एतत् एषाम् ब्रह्म [अस्ति]; हि एतत् सर्वाणि रूपाणि बिभर्ति ।

Passage 6.3

अथ कर्मणामात्मेत्येतदेषामुक्थम् । अतो हि सर्वाणि कर्माण्युत्तिष्ठन्ति । एतदेषां साम । एतद्धि सर्वैः कर्मभिः समम् । एतदेषां ब्रह्म । एतद्धि सर्वाणि कर्माणि बिभर्ति । तदेतत्त्रयं सदेकमयमात्मा । आत्मो एकः सन्नेतत्त्रयम् । तदेतदमृतं सत्येन छन्नम् । प्राणो वा अमृतम् । नामरूपे सत्यम् । ताभ्यामयं प्राणश्छन्नः ॥ ३ ॥

पदच्छेद

अथathaकर्मणाम्karmaṇāmआत्माātmāइतिitiएतत्etatएषाम्eṣāmउक्थम्ukthamअतःataḥहिhiसर्वाणिsarvāṇiकर्माणिkarmāṇiउत्तिष्ठन्तिuttiṣṭhantiएतत्etatएषाम्eṣāmसामsāmaएतत्etatहिhiसर्वैःsarvaiḥकर्मभिःkarmabhiḥसमम्samamएतत्etatएषाम्eṣāmब्रह्मbrahmaएतत्etatहिhiसर्वाणिsarvāṇiकर्माणिkarmāṇiबिभर्तिbibhartiतत्tatएतत्etatत्रयम्trayamसत्satएकम्ekamअयम्ayamआत्माātmāआत्माātmāउuएकःekaḥसन्sanएतत्etatत्रयम्trayamतत्tatएतत्etatअमृतम्amṛtamसत्येनsatyenaछन्नम्channamप्राणःprāṇaḥवैvaiअमृतम्amṛtamनामरूपेnāmarūpeसत्यम्satyamताभ्याम्tābhyāmअयम्ayamप्राणःprāṇaḥछन्नःchannaḥ

अन्वय

अथ कर्मणाम् आत्मा इति एतत् एषाम् उक्थम् [अस्ति]; हि अतः सर्वाणि कर्माणि उत्तिष्ठन्ति । एतत् एषाम् साम [अस्ति]; हि एतत् सर्वैः कर्मभिः समम् [अस्ति] । एतत् एषाम् ब्रह्म [अस्ति]; हि एतत् सर्वाणि कर्माणि बिभर्ति । तत् एतत् त्रयम् सत् एकम् [अस्ति]; [तत्] अयम् आत्मा [अस्ति] । आत्मा उ एकः सन् एतत् त्रयम् [अस्ति] । तत् एतत् अमृतम् सत्येन छन्नम् [अस्ति] । प्राणः वा अमृतम् [अस्ति]; नामरूपे सत्यम् [स्तः] । ताभ्याम् अयम् प्राणः छन्नः [अस्ति] ।

Text settings

Paper color

Read mode

Hide menus for a clear reading page.

Sections

Passages · अध्याय १, ब्राह्मण ६

Read the whole section →